Charta qua Pontius et uxor ejus Monegundis dant monasterio Cluniacensi vineam in villa Vercheson.
In nomine Domini nostri Jesu Christi. Ego Pontius et uxor [mea], Monegundis donamus Deo et sanctis ejus apostolis Petro et Paulo, ad locum Cluniacum, ubi preest dunnus abba Odilo, aliquid de hereditate nostra in villa Verheson, pro animarum nostrarum remedio, videlicet unam vineam terminatam a mane terra Sancti Vincentii, a medio die et a sero terra Sancti Petri: tali tenore ut, quandiu vixero ego Puncius, usum et fructum habeamus; post meum vero discessum, totum ad integrum ad Sanctum Petrum perveniat, nullo contradicente. Qui autem contradixerit, auri unciam dimidiam persolvat; et hęc donatio firma permaneat, cum stipulatione subnixa. S. Pontii et uxoris ejus Monegundis, qui fecerunt et ipsi firmaverunt. S. Rainberti. S.
Fredegundis. S. Bavonis. S. Leotardi. Actum regnante Rotdulfo rege anno XI.