Charta qua Odilo, abbas Cluniacensis, ex una parte, et Syrus canonicique ecclesiæ Sanctæ Mariæ Vellavensis, ex altera, mansiones prope claustrum ejusdem ecclesiæ commutant.
In nomine sanctę et individuę Trinitatis. Notum sit omnibus qualiter Beraldus prepositus, ceterique Sanctę Marię Vallavensis ęcclesie canonici, donnum Odilonem, Cluniensis cenobii abbatem, ut man
siones quas predicti cęnobii fratres jure hereditario Isembardi sacerdotis et monachi possidebant, dono eis accomodaret rogaverunt, quatinus easdem Gausleno pro mansionibus Kigonis abbatis quas ipse tenebat eis tribuere liceret, quod mansiones prefatę ad amplificandas eorum oficinas videbantur pernecessarię. Hanc autem necessitatem donnus abba Odilo ut audivit, tali tenore predictas mansiones eis concessit, ut suo monasterio, quo citius possent, in consimili loco melioratas restituerent. Evoluto deinde non multi temporis spacio, placuit Syro sacerdoti ut mansiones quas Widonis, bonę memorię pontificis et canonicorum dono, jure possidebat proprietario, pro predictis mansionibus canonici secum prefato eas restituerent cenobio. Quocirca, consentiente Syro, canonici eas Cluniacensi restituerunt cenobio, et hujus commutationis paginam scribere rogaverunt, quam propriis manibus firmaverunt, ut ab hac die inantea, omni contradictione submota, ipsius monasterii fratres in omnibus liberam et firmam potestatem habeant, quod de ipsis mansionibus quicquid voluerint faciant, salva utilitate canonicorum. Facta est autem hęc carta ista in Aniciensi civitate, III nonas februarii, feria V, luna VIII, anno Dominicę incarnationis M IIII, indictione II. Signum Syri sacerdotis, qui hanc cartulam commutationis scribere rogavit, et manu propria firmavit. S. Beraldi prepositi. S. Oddonis. S. Rotberti abbatis. S. Rotberti editui. Ego Bonizo scripsi.