Charta qua Arlebaldus dat monasterio Cluniacensi curtilum et vineam in villa Pulliaco.
In nomine Domini nostri Jesu Christi. Quart legale dicitur. Ego, in Dei [nomine], Arlebaldus dono Sancto Petro et Cluniensi congregationi, cui preest domnus Odilo abbas, unum curtile et terram quę ad illud respicit, quę fuit Eldeberti, et est sita in pago Ludunensi, in agro Albuciacensi, in villa Pulliaco: hoc curtile, et vineam, et terram quę ad hęc aspicit, et terminatur omnibus partibus via puplica; dono ad jam dictum locum, et faciant quicquid facere voluerint in omnibus. Et qui contradicere voluerit, auri uncias VI componat; et donatio firma et stabilis permaneat, stipulatione subnixa. Actum Vallis puplice. S. Arlebaldi, qui firmare rogavit. S. Eufemię. S. Milonis. S. Tetonis. S. Martini. S. Bernardi. S. Duranni. Dotrannus presbiter scripsit, in feria II, XIIII kalendas januarii, luna VIII, regnante Rodulfo rege anno XII.