CCE: cartae cluniacenses electronicae
Database of the Charters of the abbey of Cluny (802-1300)

BB 2603     View  [Back]
Charta qua Girardus et uxor ejus Armelda dant ecclesiæ Sanctæ Mariæ Belmontensis res suas in villa Mages.
Ego, in Dei nomine, Girardus et uxor mea Armelda donamus aliquid ex rebus nostris quas habemus in villa quę dicitur Mages, hoc est curtile unum cum vinea, Domino Deo et Sanctę Marię Bellomontensis monasterii, in tali tenore, ut quamdiu vixerimus teneamus ac possideamus; et persolvamus omni anno de ipsa vinea dimidium modium vini in vestitura, et post mortem nostram ad supradictum locum revertatur. Terminatur autem de uno latere terra Sancti Petri, de alia parte terra Hebreorum, et de una fronte terra Sancti Vincentii, et de alia via puplica; et hoc donamus in loco sepulturę. Et si quis ex heredibus nostris calumpniare voluerit, auri libram componat, et hęc firma et stabilis permaneat, constipulatione subnixa. Actum in villa Mages. S. Gerardi et uxoris ejus Acmeldę, qui fieri jusserunt et firmare rogaverunt. S. Duranni. S. Flodonis. S. Aimonis. S. Arberti. S. Gonterii. S. Constantini. S. alius Duranni. Data per manus Sigbaldi levite, anno IX Rotberti regis.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung