Scamium quod factum est inter monachos Clunienses et quendam militem, nomine Lantbertum, in pago Maticensi, in villa Petronna. In primis donat memoratus miles Sancto Petro ejusque monachis in jam dicta villa campum et pratum: et terminatur campus a tribus partibus terra Sancti Petri, a sero rivo volvente; pratum vero terminatur a mane terra Sancti Vincentii, a medio die et a sero et a cirtio terra Sancti Petri. Econtra vero donant monachi supradicto militi, in pago Maticensi, in villa Coysiaco campum, qui terminatur a mane et a sero terra Sanctę Marię, a medio die terra ipsius Lantberti, a cirtio terra Witgerii, et vocatur ipse campus in Rotundis; faciatque unusquisque de suo quod voluerit ab hodierno et in reliquum. Actum Petronna villa publice. S. Lantberti, qui fieri et firmare rogavit. S. Rotberti presbiteri. S. Stephani. S. Bernardi. S. Stephani alii. S. Ansegisi. S. Eldulfi. S. Bernardi. Data mense aprili, regnante Rotberto rege anno VIIII. Evrardus monachus scripsit et subscripsit.