Placuit atque convenit inter Rotbertum monachum et Uldricum militem, ut terras inter se commutarent. In primis dat Rotberdus monachus a parte Uldrico vineam unam et campum unum qui sunt siti in pago Matisconensi, in agro Salorniacensi, in villa Moncellas; terminatur vinea in circuitu terrę Sancti Leodegarii, et campus terminatur a mane et a medio die et a sero terrę Sancti Leodegarii, a cercio Sancti Benedicti terrę et Sancti Mauricii. Et Uldricus dat Rodberto monacho a parte Sancti Benedicti Floriacensis monasterii, vineam unam et campum unum; terminatur vinea in circuitu terre Sancti Leodegarii, et campus terminatur a mane et a medio die et a sero terrę Sancti Leodegarii, a cercio terrę Benedicti et Sancti Mauricii. Eo pacto ut Uldricus et heredes ejus omnique tempore teneant et possideant. S. Rotberti monachi, qui hanc noticiam commutationis fieri et firmare precepit. S. Gauzlini abbatis. S. Adelardi. S. Algerii. S. Gauzlini. S. Arnaldi. S. Warnerii. S. Gauzfredi. S. Alberici. S. Bernardi. Data per manum Rotberti prepositi, XVI kalendas junii, anno VIIII regnante Rotberto rege.