In nomine Verbi incarnati. Ego Eldinus dono Deo et Sancto Petro et ad locum Cluniensem, pro remedium anime meæ, omnem hereditatem meam, excepto illam partem quam filiis meis dedi, que illucescit in pago Matisconensi, in villa que nominatur Cotta: hoc est mansus indominicatus cum mansione, curtilo et silva insimul tenente, quantum in ipsa villa visus sum habere; et juxta jam dictam villam est quedam silva in qua consuetudinem habeo, sicut alii nobiles, quam consuetudinem ad integrum do. Et in alio loco campum unum, qui terminat a mane via publica, a medio die terra Seguini et Guilelmi, a sero terra Sancti Petri, de quarta fronte aqua discurrente. Et in alio loco alium campum [terminatum de uno latere terra Sancti Petri, de aliis tribus partibus de ipsa hereditate. Et in alio loco campum unum] qui terminat a mane, a meridie et a certio de ipsa hereditate, a sero via publica. Et in alio loco pratum unum de quo [dono partem meam.] Si quis vero contra hanc donationem aliquam calumniam inferre temptaverit, auri liberas III componat; et si quis contradicere voluerit, sit pars ejus cum Datan et Abiron. Actum Cluniaco publice, regnante Rodberto rege anno X. S. Eldini, qui dedit et firmare rogavit. S. Ingelelmi. S. Tetberti. S. Martini. S. Ramnaldi. S. Gisleberti. S. Arenberti. S. Rothardi. Adraldus levita scripsit.