Charta qua Wido et uxor ejus Anseia vendunt monasterio Cluniacensi campum in villa Besorniaco.
In nomine Verbi incarnati. Noverint omnes filii ęcclesię, qualiter ego Wido et uxor mea Anseia vendimus monachis Sancti Petri aliquid de hereditate nostra quę residet in pago Matisconense, in agro Airniacense, in villa Besorniaco, scilice[t] unum campum qui terminatur a mane terra Bernardi, a medio die terra Isimbaldi, a sero et a cirtio terra Sancti Petri, et accepimus de ipsis monachis III solidos; et faciant ab hac die quicquid facere voluerint. Si quis ergo huic venditioni calumpniam infere voluerit, auri libras II componat; et postea firma et stabilis permaneat, cum stipulatione subnixa. Actum Besorniaco, feria VI, kalendis martii, regnante Rotberto rege anno XII. S. Widonis et uxoris ejus Anseię, qui fieri rogaverunt. S. Achini presbiteri. S. Bernardi. S. Gausmari presbiteri. S. Bodonis. S. Livonis. S. Oddonis. Rotbertus levita scripsit.