Charta qua Stephanus et Durannus, wadiatores Lamberti, dant monasterio Cluniacensi curtilum in villa Cavannas.
Nos, in Dei nomine, Stephanus et Durannus, vuadiatores Lamberti, damus et concedimus, pro anima ipsius Lamberti, quoddam curtile cum domo et vinea, situm in pago Matisconensi, in villa Cavannas, ad locum Cluniacum, cui preest domnus Odillo, venerabilis abbas, quod est constructum in honore sanctorum apostolorum Petri et Pauli; tali tenore, ut habitatores ipsius loci predictam terram teneant et possideant, et quicquid facere voluerint faciant. Et ut hæc descriptio firma permaneat, manibus nostris eam firmavimus, et amicis nostris et fidelibus roborandam tradidimus. S. Stephani et Duranni, qui hanc cartam fieri et firmare rogaverunt. S. Ramnaldi. S. Gislardi. S. Radvis. Actum Cluniaco publice, II kalendas januarias, regnante rege Rotberto anno XI. Gausfredus, monachus et sacerdos, rogatus scripsit et subscripsit.
(Au dos:) Lanberti in villa Canavas, pago Matiscono.