Domino sacro fratri Lanberto emtori. Ego, in Dei nomine, Helena et filii mei Girbaldus, Benignus, Bernardus, [Girbertus], Vualterius, venditores, vendimus tibi curtilum unum qui est situs in pago Cabilonensi, in fine Langiaco, in Pesticia vocat; et accepimus precium a te de casa beati Petri Cluniensis cenobii, denariorum solidos tres. Terminatur autem de tres partes terra beatæ Mariæ, de quarta parte via pupblica. Si quis autem hanc vendicionem calumniare aut cumclamare presumpserit, non evendicet, sed fisco auro componat libras II; et hæc carta firma hac stabilis permaneat, summa constipulacione subnixa. Actum in atrio beate Mariæ Bellomonte. Ego quidem Helena et filii mei Grimaldus, Benignus, Bernardus, Girbertus, Vualterius firmavimus et firmare rogavimus. Data per manus Sigbaldus rogatus scripsi, anno XI Rodberto rege.