In nomine Verbi incarnati. Ego, in Dei nomine, Durannus et uxor mea Rotrudis et filii nostri Bernardus et Ubertus, donamus ad locum Cluniacum, de rebus nostris, in pago Matisconensi, in villa Bugdono, tres petiolas de campo. Una petiola, quam dicunt ad Fenestella, terminat a mane terra Giperii, a medio die terra Sancti Vincentii, a sero terra Noerii, a cercio terra Sancti Petri. Infra isto terminio, terciam partem. Alia petiola terminat a mane via publica, de aliis partibus terra Sancti Petri. Alia petiola terminat a mane et a cercio terra Sancti Petri, a medio die terra Sancti Vincentii, a sero rocca increpito. Et faciant post hunc diem quicquid facere voluerint. S. Rotrudis. S. Bernardi. S. Uberti. S. Hildini. S. Magberti. S. Ramnaldi. S. Lozerii. S. Ingelelmi. S. Bernardi. Actum Cluniaco, regnante Rodberto rege anno XI.