Charta qua Teudo et uxor ejus Eufenia vendunt monasterio Cluniacensi vineam in villa Ariengas.
Domino sacro fratri Lanberto emptori. Ego, in Dei nomine, Teudo et uxor mea Eufenia venditores, vendimus tibi vineam scilicet juris nostri, que est sita in pago Cabilonensi, in fine Rofiacense, in Ariengas vocat, et a te accepimus precium de casa beati Petri Cluniensis cœnobii, denariorum solidos septem. Quapropter censuimus predictam vineam, que terminat de uno fronte terra Sanctæ Mariæ et de alio terra Sancti Mammetis, de uno latus terra Sancti Martini, et de alio de ipsa hereditate, æternaliter possidere fratribus commorantium loci Cluniensi cœnobii. Ut autem cartha hæc venditionis a nobis facta in æternum firma ac stabilis permaneat, manibus propriis eam subterfirmavimus et firmare rogavimus, sine ullo contradicente. Si quis autem heredum nostrorum cumclamare aut aliquid calumniare rectoribus supradicti loci Cluniensi presumpserit, non valeat vendicare quod querit, sed judiciario convicti judicio, auri uncias componat IIII. Acta Belmontense, atrio beatæ Mariæ. Signum Teudoni et uxori mee Eufenia et filiis illorum Petroni, Vualterii, Oddoni, Johannis. S. Bovoni. S. Leotardi. S. Basini. S. item Letardi. S. Constantii. S. Arberti. S. Petroni. S. Adalaldi. S. Vuandalberti. Data per manus Sigbaldi levite, regnante Rodberto rege anno XI.
(Au dos:) Venditio Teudoni in Aringas.