In Dei nomine. Ego Bernardus et uxor mea Ermenberga, et Agia, et filius meus Constantinus, et filia mea Eufenia, venditores, vendimus dunno Lantberto monacho Sancti Petri Cluniensis cenobii, unam raxam de vinea, scilicet nostri alodii, quę est sita in pago Cabilonense, in fine Rofiacense, in Ariengas vocatur, et acipimus a te precium de causa Sancti Petri denariorum solidos IIII; et terminatur de uno latere terra Sanctę Marię Bellomontensis, et de alio francorum, de una fronte terra Sancti Mammetis, et de alia terra Sanctę Marię. Infra istos [terminios] censemus fratribus supradicti cenobii ęternaliter possidere. Ut autem hęc venditio firma et stabilis in ęternum permaneat, manibus propriis subterfirmavimus et firmare eam rogavimus, nullo contradicente; et si aliquis contradicere voluerit, non valeat vindicare quod querit, sed judiciaria potestate convictus, auri untias componat II. Actum Bellomonte, atrio Sanctę Marię. Quę autem vinea habet in longum perticas XVIII, in latum unam et pedes VI. Ego Bernardus et uxor mea Ermenberga et Agia. Fidem fecit Petrus contra cancellarium. S. Adalaldi. S. Petroni. S. Walanni. Data per manus Sigbaldi levitę, in mense maio, die veneris, regnante Rotberto rege anno XI.