Annuente Domino nostro Jesu Christo in perpetuum, ego quidem, Ugo nomine, dono ad quendam hominem, nomine Vuitbertum et ad uxorem suam, nomine Constantia, campum unum ad medium plantum que est situs in pago Matisconnense, in agro Fosciacense, in villa Tadriaco: terminat a mane ruiscello percurrente, a medio die terra de ipsa hereditate, a sero terra ad ipso Vuitberto, a cercio Sancti Vincentii, terra vicecomitale; et habet in longo perticas agripedales VII et duos pedes, in lato a certio pertica una, in alio fronte a medio die perticas IIII. Infra isto terminio et perticacio sic vobis dono ad medium plantum. Eo tenore ut quinque annos vinea edificata sit, unusquisque post quinque annos quod suum est recipiat; ea caitione ut si vendere volueritis vestra portione, non valeatis, aut incautionare, nisi ad propinquos meos, nullum contradicentem. Si quis contradixerit, auri libera I componat. Actum Matiscono. Sig. Ugonis, qui medium plantum istum fieri jussit et firmare rogavit. S. Uberti clerici. S. Durandi. S. Constantini. Data per manum Rodulfi presbiteri, septimo decimo kalendas februarii, anno duodecimo regnante Roberto rege in Francia.