Charta qua Etela notum facit se mansum Tecelini de Rochetta monasterio Cluniacensi dedisse.
Pateat cuncte fidelium multitudini, quod ego Etela, in extremis vite posita, donavi Deo et sanctis apostolis ejus Petro et Paulo, pro remedio anime mee, quoddam mansum, qui vocatur nomine cujusdam
hominis Tecelini, videlicet de Rochetta, et quantum ad ipsum attinet, totum dono ad locum Cluniacum, pratis videlicet, aquis, aquarumque decursibus. Quisquis istud donum aliquo modo infringere voluerit, perpetue maledictioni subjacebit, si non condigna satisfactione emendaverit. S. Etele, qui hanc cartam fecit et firmare rogavit. S. Petronille, filie ejus. S. Teodardi. S. Rotlanni.
(Au dos:) Carta Etele, de Rochetta.