Sacrosancto et venerabili loco Cluniaco in honore beatorum apostolorum Petri et Pauli consecrato. Nos in Dei nomine, Wigo et uxor mea Aaleldis donamus ad jam dictum locum aliquid ex rebus nostris quę sunt sitę in comitatu Viennensi, curtilum scilicet unum in dominicatu in villa Lendado, a die presenti, et quantum ad illum curtilum aspicit; ut jam dicti rectores Sancti Petri faciant quicquid facere voluerint. Si quis autem contra hanc donationem aliquam litem inferre voluerit, vindicare non valeat, sed firma et stabilis permaneat, cum stipulatione subnixa. Actum Cluniaco publice. S. Wigonis et uxoris ejus. S. Aquini. S. Arestagni. S. Wigonis et Jotceranni atque Fulcherii, fratrum. Regnante Rodulfo anno XX. Aldebaldus scripsit.