Dominus ac Salvator noster, desiderans salutem nostram, per semet ipsum dignatus est ammonere dicens: «Facite vobis amicos de Mammona iniquitatis.» Quapropter ego Antelmus dono Deo et Sancto Petro, ad locum Cluniacum, ubi domnus Odilo abba pręesse videtur, aliquid ex rebus meis, hoc est alodum, mansum Girberti cum apenditiis suis, mansum Ailberti cum apendiciis suis, mansum Teutbodi cum apenditiis suis, mansum Raimbaldi cum apenditiis suis, et molendinum cum servis et ancillis suis, Girbertum cum infantibus suis, Teutbodum cum uxore et infantibus suis, Ailbertum cum uxore et infantibus suis, Raimbaldum cum uxore et infantibus suis, et alios servos ad ipsam terram aspicientes, Leutbaldum qui cum eo venit, ad sepulturam. In villa Monte mansum Restaldi, et mansum Waliod insimul tenente, et in ipsa villa unam plantatam; et terminat de uno latere terrę Sancti Petri, de alio latere de ipsa hereditate, de tercio similiter, de IIII terra Jozber. In alia villa Forgias, frangos quos ibidem habeo, totum ad inquirendum. S. Hugonis, qui firmavit et aliis firmare rogavit. S. Aia. S. Rotberti. S. Antonii. S. Bernardi. S. Jotseranni. S. item Rotberti. S. Ansedei. S. Walterii. S. Josfredi. S. Atsę. Data per manus Widonis monachi et lęvitę, mense augusti, feria II^a, regnante Rotberto rege anno X et VIII^o.