In nomine Verbi incarnati. Ego Gauzfredus et frater meus Hugo donamus Deo et Sancto Petro, ad locum Cluniacum monachisque ibidem Deo servientibus, terram pro remedio animę matris nostre, hoc est mansum I qui est in villa Strata, in agro Notgent, et quicquid ad ipsum mansum aspicit; et in alio loco mansum in villa Montaliaco, et quicquid ad ipsum aspicit, hoc est vineis, pratis; et in alio loco, ubi Cultura vocat, terra Vuapherinca, ex omni parte terra Sancti Petri, totum quęsitum et inquirendum, ut ipsi monachi teneant et possideant et quicquid voluerint faciant. Si quis autem contra hanc donationem insurgere temptaverit seu calumpniare presumpserit, sit male[di]ctus cum Juda traditore. Et ut hęc carta firma permaneat, [nos] ipsi firmavimus testibusque tradidimus roborandam. S. Gauzfredi et Hugonis, fratris sui, qui firmaverunt et firmare rogaverunt. S. Bernardi, Girberti, Duranni, Richardi, Drodonis, Jotseranni, Gisleberti, Arlebaldi. Vuido scribsit, regnante Rotberto rege anno XX.