In nomine incarnati Verbi divini. Noverint cuncti fideles, tam presentes quam et futuri, qualiter ego Atto et uxor mea, Rotlanda nomine, et filii nostri Huberto et Heldrico et Gisleberto, recogitamus ac pretimescimus illum diem examini judicis qua districtus Judex venturus est judicandus et redditurus unicuique justa opera sua. Ideo pretimescimus ne in illam damnationem qua impii damnandi sunt incidamus. Quapropter donamus Deo et sanctis apostolis ejus Petro et Paulo, ad locum Cluniacum, ubi domnus Odilo abba preesse videtur et fratribus ibidem Deo famulantibus, aliquit de res nostras que sunt site in pago Augustodunense seu Matisconense, in villa que dicitur Monserin. Donamus vobis ibi pratum unum tenente carrada una de feno; terminat de uno latus terra Bernar, de alio terra Odone, ad mane rivo currente. Et in ipsa villa donamus de uno campo partes duas; terminat de uno latus terra Rodul, de alio terra Sancti Petri, et de alio rivo currente: ea tamen ratione, ut quandiu vixero usum et fructum possideam, et post meum discessum ad jam dictum locum perveniat. Et donamus alium campum in locum qui dicitur a la Liger, tenentem modium uno; terminat de uno latus terra Sancti Petri, de alio terra Ricardi, de alio terra Mazonandi: ea tamen ratione, ut ab isto die et deinceps faciant habitatores jam predicti loci quicquid voluerint de ipso campo, et post finem meum, terciam partem de omnibus que possideo extra hereditatem jam dictum locum dono, ea ratione ut quando obitum meum vobis nunciatum fuerit, cum honore me sepeliatis. S. Attoni, qui donationem istam fecit, et firmare rogavit. S. Rotlanda, uxore sua. S. Bernol. S. Heldrico. S. Arlebaud. S. Gonterio. Ego Robertus sacerdos scripsi hanc cartam in villa que dicitur Maserias, anno ab incarnatione Domini millesimo XVIII, regnante Rodberto rege anno XXX.