Charta qua notum est rectores Cluniacensis monasterii terram in villa Marchisiaco ad medium plantum Evrardo et uxori ejus Osannæ concessisse.
Notum sit omnibus, qualiter rectores Sancti Petri Cluniensis dederint hominibus cui vocabulum est Evrardo et uxori ejus Osanna nomine, aliquid de terra Sancti Petri ad medium plantum. Residet autem ipsa terra in comitatu Matisconense, in villa Marchisiaco: hoc est una petia de terra. Terminat autem ipsa terra de uno fronte aqua currente, de alio fronte via publica; de uno vero latere terra Sancti Marcelli et de alio terra Aimberti. In tali tenore illis damus, ut a quinto anno habeant ędificatam; post V vero annum, una medietas ad supranominatum locum perveniat. Aliam quoque medietatem quandiu ipsi vixerint teneant et possideant; post quoque discessum eorum, ad Sanctum Petrum perveniant. Facta est karta ista in mense maio, regnante Rotberto rege anno XXIIII.