Charta qua Raculfus dat monasterio Cluniacensi mansum in villa Liviniaco et octo cumbros ad pisces capiendos in Sagonna fluvio juxta villam Asnerias.
Omnibus in commune Christi karactere insignitis clamat tuba euvangelice lectionis: «Facite vobis amicos de Mamona iniquitatis, qui vos recipiant in tabernacula æterne beatitudinis.» Quod ego Raculfus, in Dei nomine, intenta cordis aure audiens, et opere perficere cupiens, pro redemptione meorum peccaminum, dono Deo et sanctis ejus apostolis Petro et Paulo, ad locum Cluniacum, aliquid de mea hereditate, in pago Matisconense. Est autem unus mansus in agro Salorniacense, in villa Luviniaco situs, in Valeas vocat; terminat a mane via publica, a medio die terra Petri, a sero terra Narduini, a cercio terra Sancti Johannis. Infra his terminibus, dono ut faciant monachi Clunienses quicquid voluerint. Dono etiam in Sagonna fluvio contra villam Asnerias situm octo cumbrorum ad pisces capiendos. S. Raculfi, qui istam donationem fecit et firmare rogavit. S. Ainrici, filii ejus, clerici. S. Elisabeth comitisse. S. Duranni presbiteri. S. alterius Duranni laici. S. Otgisi. S. Warnerii. S. Gundulrici. S. Rotgerii. S. Walterii. S. Ainonis. S. Rotrudis.
(Au dos:) Raculfi in Luviniaco.