Charta qua Ermenardus et uxor ejus Osanna dant beatæ Mariæ Belmontensi vineam in villa Ravenolas.
In nomine sanctę et individuę Trinitatis. Noverint cuncti fideles sanctę Dei ęcclesię, quod ego Ermenardus et uxor mea Osanna donamus aliquid de rebus nostris quas habemus in pago Cabilonense, in villa que dicitur Ravenolas, in Sevoio vocat; donamus etiam supradictas res ad locum qui dicitur Bellemontense, et est constructus in honore sanctæ Marię: hoc est vinea una cum jornale uno de campo. Donamus autem ad supradictum locum in tali tenore, ut quamdiu vixerimus teneamus et possideamus; et post nostrum discessum ad supradictum locum perveniat, et omni anno in vestitura dimidium modium vini persolvemus. Terminat autem supradicta vinea de ipsa hereditate, de alio latere terra Sanctę Marię, de una fronte de ipsa hereditate, et de alia via puplica. Jornalis terrę terminat de uno latere de ipsa hereditate, de alio terra Sancti Valeriani, de una fronte aqua percurrente, de alia via puplica. Si quis autem hanc donationem contradicere voluerit, non evindicet, sed coactus judicaria potestate, auri uncias III componat. S. Ermenardi et uxoris ejus Osannę. S. Richardi. S. Jozardi. S. Maioli, filii ejus. S. Arenberti. S. Rotberti. Data per manum Sigbaldi presbiteri, anno XXVI regnante Rotbert rege.