Charta qua Aremburgis dat monasterio Cluniacensi mansum in villa Curt Francionum et donationem præcedentem matris suæ Gertrudis confirmat.
Cunctis fidelibus liquido pateat, quod ego Aremburgis dono Deo et Sancto Petro ad locum Cluniacum unum mansum in villa Curt Francionum. Est autem mansus Martini Surdi cum omnibus appendiciis suis, et cum capella ad ipsum mansum aspiciente, in honore sancti Germani dicata; firmo etiam totam illam donationem quam mater mea Gertrudis jam ante fecerat Sancto Petro.