Noverint cuncti fideles Christi presentes et futuri, quod ego Arlerius dono Deo et sanctis apostolis ejus Petro et Paulo, et ad locum Cluniacum, ubi domnus Odilo abba preesse videtur, quandam hereditatem quam avunculus meus Arlerius ex suo jure mihi possidendam tradidit; et est ipsa hereditas sita in pago Matisconensi, in villa quę dicitur Marziacus: hoc est dimidium curtilum ubi Gonbaldus quamdiu vixit stetit, et quicquid ad ipsum aspicit, campos, prata, silvas, aquas aquarumque decursus, cum pascuis; in eademque villa alium curtilum ubi Hildinus stetit quamdiu vixit, qui terminatur a mane via publica, a medio die terra Sancti Symphoriani, a sero roca, a circio terra communi. Dono etiam unum campum qui terminatur a mane Grahonna aqua volvente, a medio die terra Sancti Symphoriani, a sero Sancti Marcelli, a circio ipsa hereditate. Iterum prefato loco dono alium curtilum in villa quę vocatur Nuriolus, cum omnibus quę ad illum videntur aspicere, campos, prata, silvas, pascua, aquas aquarumque decursus, terminantem ex una parte terram Sancti Martini de Blanosco, ac duabus partibus terram Richardi et Ademari, ex quarta viam publicam. Tribuo et pratum qui terminatur ex tribus partibus de ipsa hereditate, a quarta Sancti Benedicti. Dono etiam in eadem villa quendam campum, qui terminatur ex tribus partibus de ipsa hereditate, ex quarta via publica. Concedo etiam et dono ad jam dictum locum quicquid in villa quę dicitur Varingias habere videor jure hereditario, campos, prata, silvas: unus de his campus habet in longitudine perticas XII, et in latitudine VII; et terminatur a duabus partibus terra Sancti Rodberti, a mane via publica, a sero terra Arlerii. In alio loco alius habet similiter XII perticas in longitudine, ac quinque in latitudine, et terminatur a duabus partibus terra Sancti Petri, a tercia Rodberti, ex quarta viatici publii. Item alium dono campum habentem XX perticas in longitudine, et XIIII in latitudine, et terminatur terra Ingelbaldi a mane, a meridie de ipsa hereditate, a sero terra Arlerii, a circio publii viatici; et vineam habentem in circuitu perticas XV, et terminatur ex tribus partibus terra Sancti Petri, a quarta terra Icgerii. Item alio in loco campum dono alium qui habet in circuitu perticas XIIII, et terminatur ex tribus partibus terra Sancti Petri, a quarta ipsa hereditate. Rursum alium qui habet in longitudine perticas XIIII ac IIII in latitudine et IIII pedes; terminatur vero a duabus partibus terra Sancti Petri, a mane terra Berengerii, a sero ea hereditate. Si quis vero calumniari voluerit hanc nostram donationem, omnimodis incurrat perpetuam damnationem. Dono et unum servum Michaelem cum infantibus suis et unam ancillam. S. Arlerii, qui hanc donationem fecit et firmare rogavit. S. Rodulfi, Gondalrici, Bernardi, Ermengaudi, Duranni. Data per manus Iterii levitę, regnante Rotberto rege anno XXXVI.