CCE: cartae cluniacenses electronicae
Database of the Charters of the abbey of Cluny (802-1300)

BB 2783     View  [Back]
Charta qua Gauslenus, episcopus Matisconensis, et Odilo, abbas Cluniacensis, notum faciunt se commutationem fecisse quarumdam terrarum in villis Fontanilias et Luppiaco.
Quod decidentis temporis cursu soliditate nititur, competit ut literarum signis roboretur, quatinus posteri discant veri notitiam retinere et falsitatis monstra devitare. Proinde noverint fideles, quod libuit domno Gausleno Sancti Vincentii Matisconensis episcopo, et domno Oydeloni, Cluniacensis cenobii abbati, ut terras inter se commutarent. Itaque dat Oydelo abba Gausleno episcopo, [ad] parte Sancti Vincentii unum curtilum cum vinea et campo insimul tenente, in pago Matisconense, in villa Fontanilias; terminat a mane et a sero vias publicas, a medio die terra Sancti Vincentii, a cercio terra Isimbranni. Deinde dat Gauslenus episcopus Oydeloni abbati loco commutationis, in pago Matisconense, in villa Luppiaco, vineas in tribus locis, in uno loco IIIes rascias, et in alio loco unam rasciam, et in alio loco IIIIor rascias; et in ipsa villa, in loco quem dicunt Rocca Bernonis, campum qui habet perticas XVIII in longitudine, et in latitudine XV, et super Graonam unum campum prope mulinum de Balma, et ad mulinum de Trenca Saccum alium campum, et in Monte Saordi unam vineam, qui habet perticas in longitudine XXVI, in latitudine in uno fronte perticas V, et in alio IIIIor. S. Gausleni presulis. S. Walterii prepositi. S. Sivualdi. S. Adalardi, Adalgisi, Heinrici, Otgerii. S. Aldonis. Data per manum Otgerii, anno millesimo vicesimo IIIo ab incarnatione Domini nostri Jesu Christi, et regnante Rotberto rege.
(Au dos:) Scammium Gausleni in Fontanilias et Luppiaco.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung