Dum aliquis de rebus propriis sanctę confert ęcclesię aliquid, futuro feneratur Domino. Ideo ego, in Dei nomine, Enricus, pro animę salute, dono Deo, Petro etiam et Paulo Cluniaco monasterio, quartam partem de medietate partis meę ęcclesię que est in territorio Augustiduno, in villa quę vocatur Vallis, in honore sanctę Marię, [cum] omnibus ibi ad me pertinentibus, hoc est de silva, de pratis, de molendinis, de terris cultis et incultis, semper quartam partem de supradicto. Testes Vuigo, Mainfredus, Erbertus. Actum anno XXX regnante Rotberto rege.