Igitur ego, in Dei nomine, Jodzelinus, pro anime meæ redemptione, adhuc vivens, testantibus et auctoribus uxore mea Ingelburga et filio primo Attone et secundo Hugone, tercio Letaldo et quarto Jodzeranno, dono in pago Matisconensis, in villa que vocatur Cucugnis, ex hereditate mea, vineas et juxta de terra [una sextaria] ad plantandum, que sita sunt in Campo Ursino; de uno latus habet terram Roberti Bucardi, ex altero vineam Widonis de Rocha, de tercio vero latere rivus communis decurrit. Unde si quis futurus parens vel aliquis quicumque homo voluerit causari seu qualicunque modo contradicere, sciat se a Domino dampnandum cum Datan et Abiron. Insuper his componat centum solidos senioribus monachis, scilicet Cluniacensibus qui Deo deserviunt sub domno abbate Odilone in monasterio sanctorum apostolorum Petri et Pauli. Quam donationem testantur parentes et amici mei vel filii quorum hec sunt nomina: S. Attonis primi filii, S. Hugonis secundi, S. Letaldi tercii. S. Gundoldrici, ipsorum avunculi. Regnante rege Rotberto anno plus quam XXX^mo, notario Adraldo scribente.