Consulens igitur Dei filius humani generis saluti, ait inter cętera salubria verba quę locutus est suis: «Date,» inquit, «elemosinam, et ecce omnia munda sunt vobis.» Quę profecto sententia tanto magis est custodienda quanto utique creditur vera. Hanc vocem audiens ego Rayna, trado Sancto Petro Cluniacensis cęnobii quandam vineam, cum terra simul conclusa ac mansione superposita, sitam in Maciacensi villa, in pago Matiscensi, in agro ipsius villę, terminatam ex tribus partibus ipsa hereditate, et via vicinabili a meridie. Dono et in alio loco unum campum vocatum Mossorium, terminatum a mane via publica, a meridie et occidente terra Sancti Vincentii, a septemtrione muro manu facto; partem quoque cymiterii, pro qua contra monachos Sancti Petri querelam habui. Pro quibus omnibus supradictis omni anno quamdiu vivero reddam in vestitura IIII^or sextaria vini et unum panis. Post meum vero discessum ad prefatum, nullo contradicente, perveniat locum. Si quis autem propinquus aut extraneus contradixerit, sit irretitus vinculo excommunicationis, nisi resipuerit. S. Aydoardi. S. Stephani, Umberti, Willelmi, Joceranni. S. Rayne, datricis hujus cartę. S. Artaldi, filii ejus. Actum Lordoni, regnante Rodberto rege anno XXXII.