Notum sit omnibus fidelibus, quod ego Richuinus pro anima mea et uxoris meę [Lanzesende] et si Deus nobis filios aut filias dederit, et pro anima patris mei et matris meę et Ebrardi et Ahadvidis et Bette et Haldegardis et pro omnibus antecessoribus et fidelibus meis, dono Deo et sanctis apostolis ejus Petro et Paulo, ad locum Cluniacum, cui preest domnus Odilo abbas, in pago Santensi, in villa Dombasila alodum quem ego monachis demonstravero et in Rainankis totum quod habeo, æcclesiam de Gingivilla, et quartam partem æcclesię de Dombasila; et quicquid adhuc Deus miserit in cor meum ad augendum. Regnante Chuonrado imperatore, comite Liutfredo. S. Richuini, qui hanc cartam fieri et firmare rogavit. (En monogramme): Ricuinus Cluniacum.