CCE: cartae cluniacenses electronicae
Database of the Charters of the abbey of Cluny (802-1300)

BB 2852     View  [Back]
Charta qua Oddo, comes Matisconensis, consuetudines quas reclamabat in terris monachorum Cluniacensium vuerpit, et donationem silvæ de Cenva quam antecessores ejus fecerant eisdem confirmat.
Noticia quam fecit comes Oddo Sancto Petro. Notum sit omnibus, tam presentibus quam futuris, quod ego Oddo comes, interpellatus sive rogatus a monachis Cluniacensibus, domno videlicet Rotberto priore et cęteris fratribus, veni in capitulum et in presentia omnium fratrum feci donationem Sancto Petro de illis consuetudinibus quę mihi debebantur ex illis terris quę nunc usque pro helemosina date sunt Sancto Petro, sive alio modo cum rectitudine conquestate, in comitatu Matisconense, et quas ipsi hucusque tenuerunt. Firmo ęciam donationem quam antecessores mei fecerunt supradicto loco de silva quę vulgo Cenva vocatur; ut illam consuetudinem quam habitatores jam dicti loci in villa hactenus habuerunt perpetualiter sine alicujus contradictione habeant et teneant. S. domni Ottonis comitis, qui hanc vuerpicionis noticiam fecit et firmavit. S. Gausfredi, filii ejus. S. Widonis, filii Gausfredi comitis. S. Wichardi. S. Hugonis. S. Letaldi. S. Liceni. S. Odulrici. S. Girberti. Actum Cluniaco, in mense augusto, IIIo idus ejusdem mensis, anno ab incarnatione Domini MXXXI, indictione XIIII, vicesimo V die post transsitum domni Rotberti gloriosi regis Francorum, anno XL regni ipsius, qui est VI filii ejus piissimi domni Henrici, ex quo unctus est in regem super gentem Francorum et Burgundionum.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung