Communitate generis humani orbis terrarum spaciaque aquarum, Dei omnipotentis dono, est adtributum; tamen, crescente humana sobole, traditum ac datum est a majoribus primo possidentibus minimis eorum prosapiis exemptis. Crevit tandem devotio fidelium, data Christi bonitate, circa servientes sanctę ęcclesię. Quapropter, inter reliquos qui de suis propriis ditaverunt ęcclesiam, extiti ego, in Dei nomine, Wigo, qui de meis rebus trado ac dono ad locum quem Cluniacum vocant, qui est conditus in honore almi clavigeri Petri necnon doctoris gentium Pauli ac reliquorum apostolorum, presente domno Odilone abbate cum reliquis fratribus, in villa Floriaco curtiles III et quicquid ad ipsos pertinet. Dono etiam pratum unum in prata conjacentia ibi in ipsa villa, et in villa Cortaton unum curtilum, sicut est conclusum. In alia etiam villa quę vocatur Vualens mansum unum et quicquid ad ipsum pertinet, cum silvis, pascuis ac pratis. Dono vobis in presentia Dei, pro remedio animę meę, ac patris ac matris meę, et omnium parentum meorum; ita perpetua stabilitate, ut neque ego, neque ullus ex parentela mea eam valeat repetere. Si quis vero ex parentibus vel heredibus meis, vel alius aliquis hanc donationem calumpniaverit, sit maledictus et excommunicatus, et anathematizatus, cum Cam, et Core, et Datan, et Abiran, et Juda, et Barraban, et cum Judeis, ac paganis, et scimaticis, et his qui dixerunt Domino Deo: «Recede a nobis»; pereatque cum diabolo et angelis ejus in secula seculorum. Hi sunt firmatores ac suadatores. S. Guigonis. S. Guichardi. S. Guigonis, quem vocant Paganum. S. Gibergię, sororis Guigonis, qui dedit, laudavit, firmavit. Data mense julio, die dominico, regnante rege Heynrico feliciter, X anno regni ejus.