Dum in hujus pretereuntis vitę mutabilitate unicuique mortalium conceditur vivere, quod nec momentum unius horę absque aliqua peccati macula valet percurrere, sollicitus id operetur, id expetat, quod sibi in futurum proficere valeat, dicente Domino: «Facite vobis amicos de Mammona iniquitatis, ut cum defeceritis, recipiant vos in ęterna tabernacula.» Quapropter ego, Andreas nomine, pondus proprię infirmitatis et peccatorum pertimescens, jam jamque finem vitę instare non ignorans, dono Deo et sanctis ejus apostolis Petro et Paulo, et ad locum Cluniacum, in quo preesse videtur domnus Odilo abbas, pro redemptione animę meę, unum curtilum et unam vineam in pago Matisconensi, in villa Sancti Gengulfi. Habet ipse curtilus determinationes a tribus partibus de ipsa hereditate, a sero rivo currente. Ipsa vinea determinatur a meridie terra Bernardi, ex aliis partibus de ipsa hereditate. S. Andreę. S. Arluini. S. Constantii, Gisloldi, Arluini, Aredi. Actum Sancti Gengulfi publice, imperante Heinrico Francis, V nonas martii, feria III; frater Arnulfus levita indignus scripsit.