In nomine sanctę et individuę Trinitatis. Ego Ainardus et uxor mea Gonteldis, cum consilio filiorum nostrorum ac filiarum, et pro remedio animarum nostrarum, donamus Deo et sanctis ejus apostolis Petro et Paulo et ad locum Cluniacum, unam vercheriam in Buferias, ubi Nadalis manet, in loco sepulture nostre. Die etiam obitus mei, ego Ainardus dono supradicto loco duos boves obtimos aut XX solidos. Dono vero hoc pro remedio animę meę, uxoris etiam, filiorum et filiarum, et omnium christianorum fidelium. Si quis autem hanc donationem calumpniare voluerit, Dei omnipotentis iram incurrat, et separetur a congregatione justorum, nisi cito ad emendationem veniat. Acta publice Cluniaco, kalendis julii, luna VI, regnante Heinrico rege Francorum, anno regni sui XII. S. Ainardi, qui hanc cartam fieri et firmare rogavit. S. Gonteldis, uxoris ejus. S. Hugonis. S. Richardi.