Charta qua Ledburgis et filius ejus Gislebertus dant monasterio Cluniacensi pratum in villa Bainas, silvamque nomine Buscedam.
In nomine Verbi incarnati. Notum sit omnibus fidelibus, quod ego Ledburgis et filius meus Gislebertus, donamus Deo et sanctis ejus apostolis Petro et Paulo, pro remedio animarum nostrarum, loco etiam
sepulturę nostrę, ad locum Cluniacum, in quo preest domnus ac venerabilis Odilo abbas, unum pratum in villa Bainas; unam etiam silvam que vocatur Busceda, unumque campum juxta Buscedam, [terminat] a medio die terra Sancti Marcelli, a mane terra Eldeverti atque Bernardi, de alia parte terra Ansedei, atque de alia parte terra Aidoardi. S. Ledburgis et filii ejus Gisleberti, qui hanc cartam fieri et firmare rogaverunt. S. Ansedei. S. Aidoardi. S. Adcelini. S. Ornadi. S. Wichardi. S. Rodberti. S. Adzoni. Si quis autem hanc donationem calumpniare voluerit, iram omnipotentis Dei incurrat, omnibusque maledictionibus subjacebit quę in veteri et in novo Testamento continentur. Acta publice Cluniaco, regnante Heinrico rege anno XII.
(Au dos:) Carta Ledburgis et filii ejus Gisleberti in Bagenas.