Omnibus in fide Christi manentibus notum sit, quod ego Constantius, noviter ad conversionem monasticę veniens religionis, sacro et exorabili loco Cluniaco monasterio dedicato in honore apostolorum Petri et Pauli, cui preest donnus Odilo abba, dono de mea hereditate, quę conjacet in pago Matisconense, et in agro Aynacense, et est sita in duabus villis: in villa quę dicitur Vallis unum curtilum cum omni integritate simul et vineam; terminat autem a mane terra Sancti Tadii, a sero terra Sancti Petri et a medio die similiter. Et in alio loco, qui vocatur Alodium Berteldi, duas perticas de vinea, et terminant ex omnibus partibus terra Sancti Petri, excepto a medio die quę est de ipsa hereditate; et in villa Montiniaco unam petiolam de terra quę terminat a mane publica via, et a medio die terra Sancti Petri, ab aquilone terra Wizoni, et faciant rectores jam dicti loci quicquid facere voluerint. Acta Cluniaco feria I, regnante Eynrico anno nono decimo.