Charta qua Ilius de Crai monasterio Cluniacensi vineam intra clausum Vorminiaci certo pretio cedit.
Item sciri volumus, quoniam Ilius de Crai dedit Deo et apostolis ejus Petro et Paulo monachisque Cluniensibus vineam quam intra clausum Vorminiaci habebat, et Walterius et Gaufredus fratres sui hoc laudaverunt et auctorizaverunt, testibus eisdem fratribus suis, Walterio et Gaufredo et Seguino, monacho de Crai. Quando vero hoc donum ipse Ilius fecit, tres uncias auri inde accepit quas in via Jerusalem portavit.