Quoniam hæc vita misera et caduca est, et se diligentibus multa adversa in presenti tribuens quosque decipere potest ad Tartara dirigit, ideo nobis cogitandum summopere est de illa quę caret fine. Ad quam nemo pervenire valebit, nisi hic res sibi a Deo creditas prius fideliter Christi pauperibus dispensaverit, et ideo ego Girbertus presbiter, sciens me valde reum esse mei ordinis, trado Domino Deo et sanctis apostolis ejus Petro et Paulo, pro animę meę remedio, et loco Cluniensi, aliquid mee heręditatis, unum videlicet pratum in villa Misiriaco situm, tali pacto ut ab hac die et deinceps sine contradictione alicujus quidquid facere voluerint faciant. Quod si quis temerario ausu cupiditate avaritiæ ductus huic dono contrahire voluerit, non vendicare quod repetit valeat, sed nisi cito resipuerit, iram Dei omnipotentis et sanctorum apostolorum Petri et Pauli incurrat perpetuo igne dampnandus. S. Girberti presbiteri, qui firmavit et firmare oravit. S. Annonis. S. Tetelmi. S. Aaldranni. S. Gisembardi. S. Gozberti.