In nomine Verbi incarnati. Notum sit cunctis christianis fidelibus, quod ego Gonterius et uxor mea Virginilis, pro animarum nostrarum remedio, donamus Deo et sanctis apostolis Petro et Paulo, ad locum Cluniacum, aliquid de nostra hereditate quę sita est in territorio Lugdunensi, in villa Vallis, hoc est prata, campos, vineas, boscos, molendina, quesitum et ad inquirendum, totum ad integrum, illam partem quam in ipsa villa habemus vel habere visi sumus juxta ęcclesiam Sancti Benigni; et faciant ipsius loci rectores quicquid voluerint. S. Gonterii et uxoris ejus Virginalis. S. Bernardi. S. Ermengerii. S. Rannulfi.