Charta qua Letgerius et Heldebertus, wadiatores Bernardi, dant pro anima ipsius, monachis Cluniacensibus vineam et mansionem in villa Verchesot.
In nomine Verbi incarnati. Noverint cuncti fideles Christi, quod nos Letgerius et Heldebertus, vuadiatores Bernardi, donamus pro anima ejus Deo et sancto Petro, ad locum Cluniacum, unum curtilum indominicatum cum vinea et mansione simul tenente, qui est situs in pago Matisconense, in villa Verchesot; et terminatur a mane terra Sanctę Marię, de aliis tribus partibus terra Sancti Petri, et faciant ipsius loci seniores quicquid voluerint. Actum Prisciaco villa publice. S. Letgerii et Heldeberti, qui fieri et firmare rogaverunt.