Quamquam oporteat omnes christianos solatium auxilii fratribus in necessitate positis inpendere, specialius tamen filiis convenit, ut parentibus subveniant. Proinde omnibus Christi fidelibus notum sit, quod Rotbertus et fratres ejus Falco et Bernardus dederunt Deo et beatis apostolis ejus Petro et Paulo fratribusque cœnobii Cluniacensis, pro anima matris suę, mansum Sigaldi de Algei totum ex integro, cum omnibus appenditiis, planum, boscum, pratum. Dederunt etiam unam bordeleriam in pago Augustudunensi, in Monte Cuiget. Huic donationi interfuit Jozerannus de Villei.