Clemens ac largiflua Christi misericordia humanę infirmitati multis modis conpatitur, ut quia quis absque peccati contagio vivere minime valet, saltem in promptu occursum habeat medicinalem ex facultatibus propriis, videlicet subsidium helemosinæ. Ideoque, in Dei nomine, ego Durannus, Dei amore conpunctus, dono Domino Deo et beatis apostolis ejus Petro et Paulo, et loco Cluniacensi, campum unum quem pater meus tenuit ad Esceletes. Hoc sane donum confirmamus nos fratres ejusdem Duranni, Bernardus, Rotbertus, Hugo, Geraldus.