Notum sit cunctis Christi fidelibus, futuris et presentibus, quod ego Gaufredus de Marciaco, decidens in infirmitate per longa tempora, et veniens ad extremum diem vitę meę, accipio bono animo habitum Sancti Benedicti, in loco Cluniaco, et dono, pro remedio animę meę Deo et sancto Petro et sancto Paulo et loco supradicto, ubi donnus Hugo abba magis videtur prodesse quam preesse, et fratribus ibidem Deo servientibus, futuris et presentibus, unum mansum in villa Marciaco, quę tenet Giraldus cum uxore sua et filiis et filiabus suis, cum omnibus quę ad ipsum mansum pertinent, sine ulla calumpnia. Dono etiam unam ancillam cum filiis et filiabus suis in villa Cluniaco, meam videlicet partem. Fevum etiam de Egiaco, quam dedit Sigaldus prior patri meo et pater meus mihi dimisit, vuerpio et dimitto. S. Constantini, avunculi mei, de Cluniaco. S. Hugonis Burdin. S. Gotseranni, fratris sui. S. Odonis, fratris sui. S. Bernardi de Cluniaco, sacerdotis. Si quis autem hanc donationem infringere voluerit, anathema sit.