Ego Ansedeus, in Dei nomine, et uxor mea et filii nostri, notum fieri volumus omnibus sanctę Dei ęcclesię fidelibus, quod quidam ex nostris militibus, nomine Achardus, nostram adiit presentiam humiliter deprecans, ut ex terra Sanctę Marię quę vulgo dicitur Belmontensis quę ei nostra largitate in beneficio concessa est, unum campum in pago Matisconense, in agro Erniacense, in villa Besorniaco situm, in parte orientali, fere III^bus perticis distantem a clausula Salvamenti, et ex aliis partibus terra Sancti Petri terminatum, liceat cum monachis Cluniensibus pro alia terra scamiare. Cujus petitione et fidelium nostrorum consilio compuncti, prefatum campum tradimus predictis monachis eternaliter possidendum. Et ut hęc carta inconvulsa permaneat, manibus propriis eam firmamus, et manibus fidelium nostrorum firmari jubemus.