CCE: cartae cluniacenses electronicae
Database of the Charters of the abbey of Cluny (802-1300)

BB 3270     View  [Back]
Charta qua Durannus cognomine Berzis et uxor ejus Rotrudis filiique eorum vendunt monasterio Cluniacensi res suas in villa Berziaco.
Presentibus et futuris emptionem quandam memorię tradere cupimus, quam Durannus, cognomento Berzis, uxor ejus et filii eorum ad augmentum rerum Cluniensium, presente donno Segaldo priore et cęteris hominibus qui adfuerunt, fecerunt. Vendidit namque supradicto priori et cęteris monachis Cluniensibus quinque petias de terra quę sunt site in pago Matisconensi, in villa Berziaco. Adjacet autem una pars istius terrę in varenna quę vocatur Mandor, cum prato juxta ipsius terre illam terram quam per alodum tenuit et possedit ipse et pater ejus. Alie due sunt in Misiriaco, ad Sazet una petia, in conba ad Campum Spinosum alia particula. Pro his autem supradictis partibus dedit memoratus prior viginti solidos et unum equum. Dedit etiam Durannus unum curtilum in Aleicoda. Hanc cartam firmavit ipse Durannus et uxor ejus Rotrudis, et filii eorum Durannus et Bernardus.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung