CCE: cartae cluniacenses electronicae
Database of the Charters of the abbey of Cluny (802-1300)

BB 3273     View  [Back]
Charta qua Elisabeth, uxor Bernardi de Capchiaco et filia U. Boccardi, dat monasterio Cluniacensi res suas in ecclesia de Masiriaco et in villa a Nuuruels.
In nomine Patris et Filii et Spiritus sancti. Ego Elisabet, uxor B. de Capchiaco et filia U. Boccardi, dono Deo et sancte virginis Marię necnon sancti Petri apostoli, ac donni Hugonis abbatis, et omni congregationi Cluniacensi, ego Elisabet et vir meus Bernardus donamus vobis terram quę de matre mea michi advenit et de antecessoribus meis. Ego dono vobis pro remedio animę meę et domini mei Bernardi, eo laudante et conse[n]tiente, necnon pro anima patris ac matris meę, et pro salute omnium fidelium defunctorum seu vivorum, ut omnibus in commune proficiat, et ego dono vobis de mea hereditate meam portionem que mihi jure contingit in ecclesia de Masiriaco, quę est constructa in honore sancti Petri, cum aliis terris quę his sunt apendentes, sive servis sive franchisiis. Et in alia villa que vocatur a Nuuruels feci matri meę suam partem laudare. Et ego Elisabet et vir meus Bernardus in ęcclesia de hereditate mea meam partem et omnia alia que his pertinentes sunt, omnia ex omnibus tam servis quam etiam liberis, omnia pro remissione patris anima vel matris et filię meę Elisabet et viri sui, et pro omnium parentum suorum, pro vivis necnon et defunctis, et pro illorum vel illarum qui istam donationem et elemosinam laudaverunt vel laudant, ut Dominus per gratiam suam absolutionem omnium suorum peccatorum eis concedat.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung