Sanctę Dei matris ecclesię filii, tam posteri quam presentes [sciant], quod ego Arleius miles, seculo abrenuntians habitumque Beati Benedicti in monasterio Cluniacensi assumens, dono eidem monasterio, pro animę meę remedio, quendam mansum in villa quę dicitur Colubrinis, cum omnibus apendiciis suis, videlicet vineis, campis, pratis, silvis, et terris cultis et incultis, et cum villano servo, qui dicitur Adalelmus, cum filiis et filiabus suis, assentiente et laudante matre mea et fratribus meis et propinquis, quatinus supradictus locus sine omni contradictione seu inquietudine habeat et possideat. Ego Arleius firmavi et firmare rogavi. S. Vualburgis matris mee. S. Vuidonis, Vualterii, Bernardi, Albuini fratrum meorum. S. Rodulfi nepotis mei.