Notum sit omnibus Dei et sanctę ęcclesię fidelibus, quod Wido, pro redemptione animę suę et fratris sui Wilelmi, et pro sepultura ejusdem, dedit Deo et sancto Petro atque Paulo et senioribus Cluniensis cęnobii, de possessione sua, unam vineam in villa quę dicitur Soloniacus, infra casam Sancti Petri, que terminatur a meridie et a sero via publica. Donationem istam confirmavit mater ejusdem Widonis, nomine Raimodis, et patruus ejus Lietzelinus. Testes hujus rei sunt: Gosfredus de Sancto Nicetio, Elgaldus de Soloniaco.