CCE: cartae cluniacenses electronicae
Database of the Charters of the abbey of Cluny (802-1300)

BB 3332     View  [Back]
Charta qua Ansedeus de Borbon dat monasterio Cluniacensi condaminas suas de Sinzog et silvam de Mai.
In nomine sanctę et individue Trinitatis. Notum sit omnibus Christi fidelibus, tam presentibus quam absentibus, qualiter Ansedeus de Borbon tradidit, pro anima sua, Deo et beatis apostolis ejus Petro et Paulo ad Cluniacum, condaminas de Sinzog et silvam de Mai et quicquid ibidem de hereditate sua poterit reperiri; laudavit et consensit quod Humbertus, frater ejus, ad predictum locum condaminam et silvam unam dedit; et Emulus filiusque suus Joffret in villa Casellas æcclesiam unam et allodium suum totum quod pertinet ad eundem locum, cum omni utilitate, quę qualicunque modo inde potest provenire, tam ipse Ansedeus quam prenominati nepotes ejus, videlicet servis et ancillis, silvis, pratis, pascuis, rivis, aquis, molendinis, itibus et reditibus, viis et inviis. Et ut hoc semper firmum et inconvulsum ita perduret, ex multis quosdam quorum nomina subscripta sunt testes adhibere curavimus.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung