Auctoritate studiosorum sapientium virorum informamur, ut ea quę in futurum firmitatis vigorem optinere volumus, ad succedentium notitiam litteris mandare debeamus. Quapropter noverint tam presentes quam etiam advenientes, quod nos, ego Bernardus, et Sitbaldus, et Gislololdus, et Undradus, et Bernardus, Vuichardus atque Petrus, et soror nostra Stephana, vendimus Deo et sanctis apostolis ejus Petro et Paulo et ad locum Cluniacum et ad seniores in ipso loco manentibus, aliquid de nostra hereditate quę sita est in pago Matisconensi, in villa quę nunccupatur Brunecellis, quantum visi sumus habere, scilicet totum ad integrum; accepimus ab eis pretium XII solidos denariorum. Si quis hanc venditionem calumpniare voluerit, nisi citius resipuerit, iram Dei incurrat omnipotentis et sanctorum apostolorum; et cui litem intulit, coactus judicaria potestate, unam auri libram persolvat, et hec venditio firma et stabilis permaneat, cum stipulatione subnixa. S. Bernardi, Sitbaldi, Undradi, Gisloldi, Bernardi, Vuichardi, Petri, Stephanę sororis eorum, qui fecerunt et firmari rogaverunt. S. Vuarnerii, Bernardi, Arlebaldi presbiteri. Actum Masilias, I kalendas madii, in sexta feria. Arnulfus levita recognovit.