In nomine sanctæ et individuæ Trinitatis. Ego Ursio miles dono Deo et sanctis apostolis Petro et Paulo, ad locum Cluniacum, et sancto conventui ejusdem loci, de allodo meo quicquid habeo in villa Clangei, quæ est sita in episcopatu Belvacensi, terras, ædificia, servos, ancillas. Addo etiam ut quicquid de parte Sanctæ Mariæ in eadem villa ad censum teneo, ipsi habeant eodem redditu quo ego teneo, si impetrare potuero ab illis ad quos pertinet. Dono etiam supradictis senioribus quicquid habeo in villa Blanges, quæ est sita in episcopatu Parisiacensi. Et ne hanc donationem aliquis ulterius calumniare presumat, propria carta signari petii. Factum est hoc in capitulo Cluniacensi, anno Domini millesimo LXXVI^o, indictione XIIII, abbate reverentissimo Hugone.